ლევან ხაბეიშვილს გუშინ ოპერაცია ჩაუტარდა, ის კლინიკაში რჩება

0
59

“ნაციონალური მოძრაობის” თავმჯდომარეს, ლევან ხაბეიშვილს, რომელსაც გუშინ სპეცრაზმი ფიზიკურად გაუსწორდა ოპერაცია ჩაუტარდა. ის ამ დრომდე ინგოროყვას სახელობის კლინიკაში რჩება, სადაც გუშინ პოლიციელებმა მიიყვანეს.

ხაბეიშვილის დაზიანებული აქვს თვალი, გატეხილი აქვს ცხვირის ძვლები. პარტიაში აცხადებენ, რომ ის სპეციალურად იმისთვის “გაიტაცეს” პერიმეტრიდან, რომ ” ეს სისხლიანი ანგარიშსწორება მოეხდინათ”. ხაბეიშვილისა და “ნაციონალური მოძრაობის” კიდევ ერთი წევრის, სოფო ჯაფარიძის მოსანახულებლად გუშინ კლინიკაში მივიდა სახალხო დამცველი.

“არაფერი არ მტკივა, თვალიც გაივლის, ტანიც გაივლის და ყველაფერი გაივლის, ბრძოლა პუტინისტების წინააღმდეგ უნდა გაგრძელდეს”, – თქვა ხაბეიშვილმა ღამით ჩაწერილ ვიდეოში.

ცნობისთვის, სპეცრაზმმა რუსთაველის გამზირი გამთენიის 4 საათის შემდეგ დატოვა. მანამდე პარლამენტთან შეკრებილი მოქალაქეები, რომლებიც რუსულ კანონს აპროტესტებენ, წიწაკის სპრეით, ცრემლსადენი გაზითა და წყლის ჭავლით დაარბიეს. სპეცრაზმელები ფიზიკურად გაუსწორდნენ აქციის არაერთ მონაწილეს. არიან დაკავებულებიც, თუმცა მათი ზუსტი რიცხვი ჯერ უნცობია.

წინა სტატიაზუგდიდში რუსული კანონის საწინაღმდეგო აქციაზე, მაია კალანდია და მარიამ სიჭინავა დაკავეს
შემდეგი სტატიადროზე მოდით გონს,არ დაღვაროთ ახალგაზდრების სისხლი,გაიწვიეთ ეს კანონი!-მამა ილარიონი
ტელეკომპანია ოდიშის საინფორმაციო სამსახური