“ქართული ოცნების” წევრი, თელავის საკრებულოში იურიდიული კომისიის თავმჯდომარე ლევან ბერძენაშვილი რუსულ კანონის წინააღმდეგ განცხადებას აკეთებს და პარლამენტს სთხოვს უკან გაიწვიოს ის. მისი თქმით, კანონის მიღების შემთხვევაში ის პარტიასა და თანამდებობას დატოვებს. დეპუტატმა განცხადება საკრებულოს სხდომაზე გააკეთა.
“ცალსახად ვეწინააღმდეგები ამ კანონის ბოლომდე გატანას და მიღებას. ვინაიდან, თეთრი სახლი, ევროკავშირი მოგვიწოდებს […] ყველა პარტნიორი, ევროკავშირის ლიდერი ქვეყნების წარმომადგენლები გვეუბნებიან, რომ თუ ამ კანონს მიიღებთ, შესაძლოა, დაკარგოთ ვიზალიბერალიზაცია, დაკარგავთ კანდიდატის სტატუსს, დაკარგავთ ყველაფერს, რაც ევროპას უკავშირდება. ამიტომ მე ცალსახად ვემიჯნები ამას და უმორჩილესად გთხოვთ, საქართველოს მთავრობას, პარლამენტს, ეს კანონი გაითხოვოს უკან და თქვენ წინაშე ვდებ ფიცს, თუ ეს არ მოხდება, დავტოვებ პარტია “ქართულ ოცნებას”, დავტოვებ ფრაქცია “ქართულ ოცნებას” და დავტოვებ თანამდებობას”, – ამბობს cnews-ის მიერ გავრცელებულ ვიდეოში დეპუტატი.
“მთავარმა არხმა” ბერძნიშვილის ჰკითხა არა პასუხი მიიღო ამ განცხადების შემდეგ პარტიის წევრებისგან, საკრებულოს თავმჯდომარისგან:
“ოპოზიციამ მიიღო დადებითად, პოზიციიდან იყო დუმილი. [ხომ არ ფიქრობთ, რომ ეს შეიძლება სამსახურის ფასად დაგიჯდეთ?] მე მზად ვარ ამისთვის, არა უშავს, მე რა მოხდა, ჩვენი შვილების მომავლისთვის, ჩვენი ქვეყნის მომავლისთვის”.