20 აპრილს გვიან ღამემდე გაგრძელდა სტუდენტების მიერ თვითორგანიზებით მოწყობილი რუსული კანონის საწინააღმდეგო აქცია რუსთაველის გამზირზე, პარლამენტის შენობის წინ. აქციის მონაწილეები მსვლელობით დაიძრნენ პრეზიდენტის რეზიდენციისკენ. ორბელიანების სასახლესთან დემონსტრანტებმა პრეზიდენტს მადლობა გადაუხადეს და მსვლელობა მთავრობის ადმინისტრაციისკენ გააგრძელეს.
მთავრობის ადმინისტრაციის შენობასთან მობილიზებული იყო პოლიცია, თუმცა, დემონსტრანტებთან დაპისრისპირება ამჯერად არ მომხდარა. ხანმოკლე პიკეტის შემდეგ ახალგაზრდები რუსთაველის გამზირზე დაბრუნდნენ, სადაც გვიან ღამემდე დარჩნენ აქციის მონაწილეები.
ორგანიზატორებმა აქცია 21 აპრილსაც დააანონსეს, რომელიც ასევე, პირველი რესპუბლიკის მოედნიდან მსვლელობით დაიწყება და პარლამენტის შენობასთან დასრულდება.
“რუსული კანონის” საწინააღმდეგო აქციების ფოტოები, ვიდეო და განახლებული ინფორმაცია მისი მიმდფინარეობის შესახებ მომენტალურად ქვეყნდება ჩვენს ოფიციალურ ტელეგრამ-არხზე. არხზე მასალების გასაცნობად საჭიროა ტელეფონში გქონდეთ ტელეგრამის აპლიკაცია. ჩვენი არხი ტელეგრამზე აქ.