ენმ-ს წევრმა ეკა ხერხეულიძემ პლენარულ სხდომაზე “აგენტებად” გამოცხადებული და დახვრეტილი ქართველი ხელოვანები, მწერლები, სასულიერო და სამხედრო პირები ჩამოთვალა. ამასთან, ოპოზიცის წევრმა სიტყვით გამოსვლისას საქართველოს პარლამენტის ყოფილი დეპუტატის, ვახტანგ ბოჭორიშვილის სიტყვები მოიშველია.
ნებისმიერი თქვენი მავნე გამოვლინება, რომელიც იძულებულს ხდის ქართულ საზოგადოებას შეკრიბოს რუსთაველზე, აქვს ერთი სიკეთე – თქვენ თავიდან გვანახებთ ლამაზ საქართველოს.
განთიადია, გრძნობს ეს გული, გრძნობს ეს ტვინი. განთიადია ადამიანო, განთიადია, გაიგეთ.
ნებისმიერი მშფოთვარე აპრილის დროს რუსეთი მარცხდებოდა ამ მოედანზე, სადაც დღესაც შეიკრიბება ხალხი. ახლაც, ნებისმიერი აპრილის მსგავსად, რუსეთი დამარცხდება სწორედ ამ მოედანზე. არ გქონდეთ იმედი, რომ საქართველო ოდესმე გახდება რუსეთის მოკავშირე. რუსეთის სიძულვილით გაერთიანებული საქართველო მათთან ერთად დაგასრულებთ თქვენ, როგორც ბოლშევიკური კანონის შემოქმედებს” განაცხადა ეკა ხერხეულიძემ.