მმართველი პარტიის თავმჯდომარემ ირაკლი ღარიბაშვილმა “რუსულ კანონთან” დაკავშირებით დასმული შეკითხვის ავტორები პარლამენტში გადაამისამართა და თქვა, რომ თუ ვინმეს კითხვები აქვს, საკუთარი ხედვა სწორედ პარლამენტში უნდა წარმოადგინოს.
“თუ რაიმე კითხვა არსებობს, ამ კანონპროექტთან დაკავშირებით, თუ ვინმეს რაიმე არ მოსწონთ, არსებობს პარლამენტი მეგობრებო. იქ, იცით, რომ გაიმართება მოსმენასთან დაკავშირებული განხილვები და კეთილი ინებონ ამ ადამიანებმა და ყვირილისა და ემოციების გარეშე წარმოადგინონ საკუთარი ხედვა. ჩვენ უნდა გავაგრძელოთ მუშაობა ჩვენს პარტნიორებთან, ამერიკელ და ევროპელ კოლეგებთან, ვისაც რაიმე კითხვა აქვს”, – განაცხადა ირაკლი ღარიბაშვილმა, ხოლო ოლაფ შოლცის მოსაზრებებთან დაკავშირებულ შეკითხვას ასე უპასუხა:
“როგორ უნდა შევაფასო [ოლაფ შოლცის] განცხადება, ყველა ადამიანს აქვს საკუთარი აზრი, მათ შორისაა კანცლერის აზრი და მე ყველა ადამიანის აზრს პატივს ვცემ”.