სამეგრელოში დიდი ოდენობით ხე-ტყის უკანონო მოპოვების 2 ფაქტი გამოვლინდა.

0
103

გარემოსდაცვითი ზედამხედველობის დეპარტამენტის ცნობით, სამეგრელოში დიდი ოდენობით ხე-ტყის უკანონო მოპოვების 2 ფაქტი გამოვლინდა.

დეპარტამენტის თქმით, ხობის მუნიციპალიტეტის სოფელ საჯიჯაოში, მოქალაქეების საცხოვრებელი სახლების ეზოებსა და მიმდებარე ტერიტორიაზე, დალუქულია, ჯამში, 175 ერთეული უკანონოდ მოპოვებული წიწვოვანი სახეობის მრგვალი ხე-ტყე (მორი).

“გარემოსდაცვითი ზედამხედველობის დეპარტამენტისთვის ხე-ტყის უკანონო მოპოვების ფაქტების გამოვლენა, აღკვეთა და პრევენცია პრიორიტეტია. უკანონო ტყითსარგებლობასთან ბრძოლას დეპარტამენტი აქტიურად ახორციელებს და ყველა გამოვლენილ სამართალდარღვევაზე შესაბამის რეაგირებას ახდენს,” – განაცხადა დეპარტამენტის უფროსმა ლევან ჯღარკავამ.

როგორც უწყება ამბობს, ორივე ფაქტი შეიცავს სისხლის სამართლის დანაშაულის ნიშნებს, ამიტომ მასალები, შემდგომი რეაგირების მიზნით, შესაბამის უწყებაში გადაიგზავნება.

წინა სტატიაპოლონეთში საქართველოს მოქალაქე დააკავეს
შემდეგი სტატიარუსმა ოკუპანტებმა ხარკოვი დაბომბეს – დაიღუპა 6 და დაშავდა 10 ადამიანი
ტელეკომპანია ოდიშის საინფორმაციო სამსახური