“რუსეთს მხოლოდ ერთი ღირებული განცხადების გაკეთება შეუძლია – გამოაცხადოს დამარცხება” -უკრაინის პასუხი რუსეთის საგარეოს მოთხოვნებს

0
70

“ტერორიზმის შესახებ განცხადებები განსაკუთრებით ცინიკურად ჟღერს ბუჩას გათავისუფლების წლისთავზე,” – უკრაინის უსაფრთხოების სამსახური, რუსეთის საგარეოს საქმეთა სამინისტროს მოთხოვნებს პასუხობს.

“რუსეთის ფედერაციის საგარეო საქმეთა სამინისტროს, რომელიც საერთაშორისო სამართლის ნორმებზე, კერძოდ, ტერორიზმთან ბრძოლის კონვენციაზე აპელირებას ცდილობს, ავიწყდება, რომ სწორედ პუტინი გამოცხადდა ოფიციალურად საერთაშორისო ძებნაში. მას უკრაინელი ბავშვების გატაცების საქმეზე ჰააგის ტრიბუნალი ელოდება.

ტერორიზმის შესახებ განცხადებები განსაკუთრებით ცინიკურად ჟღერს თავად ტერორისტული ქვეყნის მხრიდან ბუჩას განთავისუფლების წლისთავისა და იქ რუსების მიერ ჩადენილი სისასტიკის ფონზე. ჩვენ გვახსოვს ყველა დაღუპული უკრაინელი და ყველაფერს გავაკეთებთ იმისათვის, რომ მტერმა სამართლიანად აგოს აგოს.

ამიტომ, რუსეთის საგარეო საქმეთა სამინისტროს ნებისმიერი სიტყვა უსარგებლოა. რუსეთის ფედერაციას რეალურად მხოლოდ ერთი ღირებული განცხადების გაკეთება შეუძლია – გამოაცხადოს ომში დამარცხება და საოკუპაციო ძალების უკრაინის მიწიდან გაყვანა,” – აღნიშნულია განცხადებაში.

მანამდე, რუსეთის საგარეო საქმეთა სამინისტრომ განაცხადა, რომ ბოლო დროს რუსეთის წინააღმდეგ განხორციელებული “ყველა” ტერაქტის კვალი, უკრაინაში მიდის და უკრაინას ყველა დაკავშირებული პირის დაკავება და ექსტრადირება მოსთხოვა.

წინა სტატიაწინასწარი შედეგებით, თურქეთის დიდ ქალაქებში ოპოზიციამ გაიმარჯვა -ერდოღანი მარცხს აღიარებს
შემდეგი სტატიაორკოლ სტუდიოს ოჯახის წევრს – კერამიკოს დაჩი აბსანძეს საზოგადოების დახმარება სჭირდება
ტელეკომპანია ოდიშის საინფორმაციო სამსახური