უკრაინის უსაფრთხოების სამსახურმა კრემლის პროპაგანდისტი მარგარიტა სიმონიანი გენოციდისა და ომის პროპაგანდისთვის ეჭვმიტანილად გამოაცხადა.
”უსაფრთხოების სამსახურმა დააფიქსირა რუსი პროპაგანდისტის მარგარიტა სიმონიანის ახალი დანაშაულები, რომელიც მოუწოდებდა უკრაინელების გენოციდისკენ,” – ნათქვამია SBU-ს განცხადებაში.
ერთი წლის წინ SBU-მ უკვე დაადანაშაულა სიმონიანი უკრაინის ტერიტორიული მთლიანობის ხელყოფაში. ახლა ამ საქმეს კიდევ სამი ბრალდება დაემატა: უკრაინელების გენოციდისკენ მოწოდება, ომის პროპაგანდა და რუსეთის აგრესიის გამართლება უკრაინის წინააღმდეგ.