ბაკურიანში, თოვლის მასაში მოყოლილი კაცის ცხედარი იპოვეს

0
62

ბაკურიანში, თოვლის მასაში მოყოლილი კაცის ცხედარი იპოვეს. ამის შესახებ ინფორმაციას
საგანგებო სიტუაციების მართვის სამსახური ავრცელებს.

“შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა ბორჯომის მუნიციპალიტეტში, დაბა ბაკურიანში, თოვლის მასაში მოყოლილი მამაკაცის ცხედარი, ინტენსიური საძიებო სამუშაოების შედეგად იპოვეს.

სამუშაოებში ჩართული იყო 200-მდე მეხანძრე-მაშველი, სასაზღვრო პოლიციის ვერტმფრენი, სამაშველო დრონები, კინოლოგთა სამსახური და საქართველოს თავდაცვის ძალების წარმომადგენლები.

გარდაცვლილის ცხედარი მაშველების მიერ ამოყვანილია თოვლის მასიდან და მიმდინარეობს შესაბამისი სამართლებრივი პროცედურები,” – ნათქვამია განცხადებაში.

ცოტა ხნით ადრე ტელეკომპანია “ბორჯომმა” ბაკურიანის განვითარების სააგენტოზე დაყრდნობით გაავრცელა ინფორმაცია, რომ შემთხვევის ადგილზე თოვმავალი იპოვეს.

შეგახსენებთ, რომ 28 მარტს ბაკურიანში მთის ფერდობიდან თოვლის მასა ჩამოიშალა და ერთი ადამიანი მოიყოლა. ჯგუფში, რომელიც ბაკურიანი-ტაბაწყურის დამაკავშირებელ ფერდობზე “ბურანებით” გადაადგილდებოდნენ, სულ 5 პირი იყო. სტიქიას 4 მათგანი გადაურჩა.

წინა სტატიარა უნდა ვიცოდეთ ომის 767-ე დღეს უკრაინაში მიმდინარე ომზე – სად რა მოხდა
შემდეგი სტატიასაფრანგეთი უკრაინას ამერიკული Patriot-ის ანალოგ შეიარაღებას მიაწვდის
ტელეკომპანია ოდიშის საინფორმაციო სამსახური