“უკრინფომთან” ინტერვიუში ოლექსანდრ სირსკიმ ძალიან ბევრ დეტალზე ისაუბრა და უკრაინის არმიის პოზიციებიც შეაფასა. მისი თქმით, არმია ამ ეტაპზე აგებს საფორტიფიკაციო ნაგებობებსა და სანგრებს თხრის, რადგან მოსალოდნელია, რომ მაისი-ივნისის დასაწყისში რუსი ოკუპანტები შეტევაზე გადმოვიდნენ.
↘️სირსკის განცხადებით, რუსეთისგან “ყველაფერს ელის” და თუ ოკუპანტები ხარკოვზე წამოვლენ, მათი საქმე ცუდად წავა.
↘️ “ისინი ვერ აიღებენ ხარკოვს, თავისთავად ცხადია – ჩვენ დავხვდებით, როგორც ეს საჭიროა. და თუკი რუსი ოკუპანტები ხარკოვის დაპყრობას გადაწყვეტენ, ჩვენ ყველაფერს გავაკეთებთ, რათა ეს ქალაქი მათთვის საბედისწერო გახდეს”, – აღნიშნა გენერალ-პოლკოვნიკმა ინტერვიუში.
რა თქმა უნდა, სირსკის არც რუსებისთვის ხარკოვის ოლქების ცოტა ხნის წინანდელი დეოკუპაციის შეხსენება დავიწყებია, მით უმეტეს, რომ იმ კონტრშეტევის იდეაც მას ეკუთვნოდა და შეტევაზე გადასულებსაც თავად აკონტროლებდა.