რუსეთის მიერ ხარკოვის მისამართით გასროლილი რაკეტები საცხოვრებელ კორპუსებს მოხვდა. ერთი ადამიანი დაიღუპა, 16 დაიჭრა – ხარკოვის მერმა იგორ ტერეხოვმა ამის შესახებ ტელეგრამზე დაწერა.
როგორც ირკვევა, სულ ორი დარტყმა იყო, შევჩენკოს რაიონზე:
“წინასწარი ინფორმაციით, დღეს პირველად იყო მიტანილი იერიში ხარკოვზე დიდი კალიბრის მართვადი ჭურვებით”, – წერს ხარკოვის სამხედრო ადმინისტრაციის უფროსი ოლეგ სინეგუბოვი.
რუსი პროპაგანდისტები კი წერენ, რომ დარტყმები არა დასახლებულ პუნქტებზე, არამედ სამხედრო ინფრასტრუქტურაზე მიიტანეს და გამოიყენეს დაგეგმვისა და კორექციის უნივერსალური მოდული, თუმცა, იქვე აღიარებენ, რომ ადრე ეს სამხედრო ჭურვი რუსებს არ გამოუყენებიათ.