ეროვნული ნაკრების წევრებს ღირსების ორდენზე წარადგენენ. ამის შესახებ პრემიერმა ირაკლი კობახიძემ რესპუბლიკის მოედანზე გააკეთა განცხადება.
კობახიძე იმყოფება რესპუბლიკის მოედანზე, სადაც ეროვნული ნაკრების წევრები გულშემატკივრებს შეუერთდნენ და მათთან ერთად ზეიმობენ ისტორიულ შედეგს. პრემიერის სცენაზე გამოჩენას და სიტყვით გამოსვლას ნაკრების გულშემატკივრებში არაერთგვაროვანი რეაქცია მოჰყვა.
საქართველოს ნაკრები ევროპის ჩემპიონატზე ისტორიაში პირველად გავიდა – ისტორიული მატჩი საქართველოს ნაკრების გამარჯვებით დასრულდა. საქართველოს ნაკრებმა საბერძნეთი პენალტების სერიაში დაამარცხა.
“სიხარულისგან აღარ ვარ. კიდევ მეტი გამარჯვებები, წარმატებები! დიდება საქართველოს!” – ასეთია საქართველოს ისტორიული გამარჯვების შემდეგ გულშემატკივრების რეაქციები.