მთავარისიახლეებიპესკოვი ამბობს, რომ "სპეციალური სამხედრო ოპერაცია" ომი გახდა

პესკოვი ამბობს, რომ “სპეციალური სამხედრო ოპერაცია” ომი გახდა

Published on

რუსეთის პრეზიდენტის პრესმდივანმა, დიმიტრი პესკოვმა გაზეთ “Аргументы и факты”-თან ინტერვიუში განაცხადა, რომ “სპეციალური სამხედრო ოპერაცია” [რუსეთი ასე უწოდებს უკრაინში ომს] ომში გადაიზარდა. ინფორმაციას BBC-ს რუსული სამსახური ავრცელებს.

“ჩვენ ომში ვართ. დიახ, ეს დაიწყო როგორც სპეციალური სამხედრო ოპერაცია, მაგრამ როგორც კი იქ ჩამოყალიბდა ეს ჯგუფი, როდესაც კოლექტიური დასავლეთი გახდა ამის მონაწილე უკრაინის მხარეს, ჩვენთვის ეს უკვე ომი გახდა. ამაში დარწმუნებული ვარ”, – თქვა პესკოვმა ინტერვიუში.

მოგვიანებით, ჟურნალისტებთან პესკოვს ამ სიტყვების განმარტება მოუწია. მისი თქმით, უკრაინაში იურიდიულად “სპეციალური სამხედრო ოპერაცია” ჯერ კიდევ მიმდინარეობს, მაგრამ ფაქტობრივად ის “ომში გადაიზარდა”.

2022 წლის თებერვლის შემდეგ, რუსეთის მოქალაქეები დაჯარიმდნენ სიტყვა “ომის” გამოყენების გამო, ჯარის “დისკრედიტაციის” მუხლით. უფრო ვრცელი ომის საწინააღმდეგო განცხადებებისთვის, რუსები ექვემდებარებიან სისხლისსამართლებრივ დევნას.

პესკოვმა თქვა, რომ მისი სიტყვები ომის მოწინააღმდეგეების სიტყვებს არ უნდა შეადარონ.

“ეს სრულიად შეუსაბამო შედარებაა, რადგან ეს [ომის საწინააღმდეგო განცხადებებში] არ არის ჩემი კონტექსტი. სიტყვა “ომი” გამოიყენება სხვადასხვა კონტექსტში. ეს არის აბსოლუტურად [ზუსტი]. უბრალოდ შეადარეთ რა კონტექსტი მაქვს მე და რა კონტექსტი აქვთ [შეჭრის მოწინააღმდეგეებს]”, – უთხრა პესკოვმა ჟურნალისტებს.

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...