თუ რუსეთის პრეზიდენტი ფიქრობს, რომ ამ ომში მას მხოლოდ ლოდინი სჭირდება და ჩვენ დავთმობთ, მაშინ არასწორად გათვალა – შოლცი

0
90

გერმანიის კანცლერმა ბუნდესტაგში, სამთავრობო განცხადებით გამოსვლისას გერმანელ დეპუტატებს მოუწოდა, გადაჭარბებულად არ შეაფასონ რუსეთის ძალა. ოლაფ შოლცის თქმით, რუსეთი არ არის ისეთი ძლიერი, როგორც ფიქრობენ. როგორც კანცლერი ამბობს, სამხედრო თვალსაზრისით, რუსეთის ომი უკრაინაში, სასტიკია, მაგრამ საშინაო პოლიტიკაში რეპრესიები ძალის ნაკლებობის ნიშანია.

„თუ რუსეთის პრეზიდენტი ფიქრობს, რომ ამ ომში მას მხოლოდ ლოდინი სჭირდება და ჩვენ დავთმობთ, მაშინ მან არასწორად გათვალა. ჩვენ მხარს დავუჭერთ უკრაინას მანამ, სანამ საჭირო იქნება“, – განაცხადა მან.

შოლცმა მხარი დაუჭირა ევროკავშირის შიგნით თანამშრომლობის გაძლიერებას იარაღის წარმოების სფეროში. მისი თქმით, აუცილებელია თანამშრომლობის გაფართოება სამხედრო ეკონომიკის სფეროში, მოკავშირე ქვეყნების იარაღით აღჭურვისთვის.

ფედერალურმა კანცლერმა დეპუტატებს მოუწოდა, მხარი დაუჭირონ რუსეთის ოპოზიციას.

წინა სტატიაარც განიხილება ეს საკითხი – კობახიძე ამბობს, რომ პრეზიდენტთან თოფურიას დაჯილდოების ცერემონიალზე არ მივა
შემდეგი სტატიაესტონეთი უკრაინას 20 მილიონი ევროს სამხედრო დახმარების პაკეტს გადასცემს
ტელეკომპანია ოდიშის საინფორმაციო სამსახური