გერმანელი ტერორისტი ქართველის მიერ შექმნილი სისტემის გამოყენებით დააკავეს – Bild

0
64

გერმანული მემარცხენე ტერორისტული ორგანიზაცია RAF-ს წევრი დენიელა კლეტე მართლმსაჯულებას 30 წლის განმავლობაში ემალებოდა. ფედერალურმა ხელისუფლებამ მის შესახებ ინფორმაციის მიწოდებისთვის ჯილდოს სახით 150 000 ევროც დააწესა.

↘️ მრავალწლიანი ძებნის შემდეგ მისი ვინაობის და ადგილმდებარეობის დადგენა მხოლოდ გიორგი გობრონიძის მიერ შექმნილი, ხელოვნურ ინტელექტზე დაფუძნებული სისტემის მეშვეობით მოხერხდა.

↘️ კლეტე რამდენიმე დღის წინ ბერლინში, პოლიციამ წინააღმდეგობის გაწევის გარეშე დააკავა. მას ბრალად ედება ექვს შეიარაღებულ ძარცვაში მონაწილეობა, რომლის შედეგად მილიონობით ევრო მოიპარეს, ასევე მინიმუმ ერთი მკვლელობის მცდელობა. სავარაუდოდ, დანაშაულები ჩადენილია 1999-დან 2016 წლამდე, მანამდე კლეტე ოფიციალურად ირიცხებოდა მემარცხენე ტერორისტული ორგანიზაციის რიგებში.

↘️ ბოლო პერიოდში დანიელა კლეტე ცხოვრობდა სებასტიანშტრასეს 73-ში, მეხუთე სართულზე, გამოგონილი სახელით “კლაუდია ივონე“ და იტალიური პასპორტით. ამავე სახელით შექმნილი ჰქონდა Facebook-ის ანგარიშიც.

დანიელა კლეტეს დაკავებისა და ამ საქმეში ქართველი გიორგი გობრონიძის წვლილის შესახებ გამოცემა Bild წერს.

წინა სტატიარუსული სამხედრო ბაზა ოკუპირებულ ოჩამჩირეში – პორტი თითქმის აშენებულია
შემდეგი სტატიაზუგდიდში,50 წლამდე მამაკაცი 75 წლის ქალის საცხოვრებელ სახლში შეიჭრა და მასზე ძალადობა სცადა
ტელეკომპანია ოდიშის საინფორმაციო სამსახური