რუსეთის საპრეზიდენტო არჩევნებში რეკორდულად მაღალი მაჩვენებლით (მას ხმა 76 მილიონმა ამომრჩეველმა მისცა) ფრთებშესხმული დიქტატორი ვლადიმირ პუტინი უკრაინის ახალი ტერიტორიის მიტაცებასა და მის ხარჯზე ე.წ. უსაფრთხოების ზონის შექმნას აანონსებს, საიდანაც უკრაინა რაკეტებითა და სხვა შიარაღებით რუსეთს ვერ მისწვდება.
ამის შესახებ პუტინმა ბრიფინგზე განაცხადა:
“არ არის გამორიცხული, იმ ტერიტორიაზე, რომელიც ახლა კიევის რეჟიმის დაქვემდებარებაშია, სანიტარული ზონა შევქმნათ, ერთგვარი უსაფრთხოების ზონა და მისი გადალახვა საკმაოდ ძნელი იქნება იმ საშუალებებით, რასაც მოწინააღმდეგე იყენებს, პირველ რიგში, რა თქმა უნდა, უცხოურ შეიარაღებას ვგულისხმობ”, – თქვა ვლადიმირ პუტინმა.