პარტია “ახალის” ლიდერი ნიკა გვარამია ოპოზიციაში მყოფი პოლიტიკოსების ნაწილს ‘მარცხების კოლექციონერებს” უწოდებს და ურჩევს, თავიანთ საქმეებს მიხედონ.
“ეკა კვესიტაძის აქცენტებში” ნიკა მელიასთან ერთად სტუმრობისას ნიკა გვარამიამ განაცხადა:
“ადამიანების უდიდესი ნაწილი, რომელიც დღეს არის პოზიციაში და არის მარცხების კოლექციონერი, უბრალოდ, არ პასუხობს თანამედროვე სამყაროს მოთხოვნებს. არც საქართველოს ამომრჩეველს”;
“მეგობრებო! მე მინდა ახლა ყველას მივმართო: საკუთარ საქმეს მიხედეთ!…”, – თქვა ნიკა გვარამიამ.
ამავე გადაცემაში “ახლების” ერთ-ერთი დამფუძნებელი, ენმ-ის ყოფილი თავმჯდომარე ნიკა მელია გამოეხმაურა საქართველოს მესამე პრეზიდენტის განცხადებას იმის შესახებ, თითქოს ენმ-დან გასული პირები დადიან სხვადასხვა მხარდამჭერებთან ოჯახებში, მიხეილ სააკაშვილის მაისურებით და მათ ატყუებენ:
“არ ვიცი, თუ უყურებს, მან იცის პირველ რიგში: ათი წელიწადი მანდ ვიყავი და მაშინ არ ჩამიცვამს მიხეილ სააკაშვილის მაისური, ახლა რატომ ჩავიცვამდი, ხომ არ გავგიჟდებოდი?”,- განაცხადა ნიკა მელიამ.