11 მარტი რუსეთ-უკრაინის ომის ფართომასშტაბიანი მონაკვეთის 747-ე დღეა. დღე-ღამის განმავლობაში უკრაინის ფრონტების სხვადასხვა მონაკვეთზე 64 შეტაკება მოხდა, მათი უმრავლესობა – დონეცკის ოლქში.
მტერმა უკრაინის მისამართით 44 სარაკეტო და 88 საავიაციო დარტყმა განახორციელა. ოკუპანტებმა 96-ჯერ გამოიყენეს ზალპური ცეცხლის რეაქტიული სისტემები, არის მსხვერპლი მშვიდობიან მოსახლეობაში, დანგრეულია ინფრასტრუქტურა.
საავიაციო დარტყმების სამიზნეები იყო დასახლებული პუნქტები სუმის, დონეცკისა და ზაპოროჟიის ოლქებში.
ამავდროულად, ოკუპანტები უკრაინას უპილოტო საფრენი აპარატებით, “Shahed”-ებითაც უტევდნენ. სუულ, დღე-ღამის განმავლობაში უკრაინაში გაშვებული 25 “შაჰიდიდან” მეზენიტეებმა 15 ჩამოაგდეს.
საარტილერიო ცეცხლის სამიზნე იყო 150 დასახლებული პუნქტი ჩერნიგოვის, სუმის, ხარკოვის, ლუგანსკის, დონეცკის, ზაპოროჟიის, დნეპროოპეტროვსკის,ხერსონისა და მიკოლაევის ოლქებიდან.