რუსებმა დონეცკის ოლქის სოფელი დაბომბეს

0
61

რუსებმა დონეცკის ოლქის სოფელი კლებან-ბიკი დაბომბეს, შედეგად დაშავდა ორი ადამიანი. ინფორმაციას დონეცკის საოლქო პროკურატურა ავრცელებს.

“რუსეთის არმიამ KAB-500-ის გამოყენებით ილინივსკაიას სტგ-ის სოფელი კლებან-ბიკი დაბომბა. საჰაერო ბომბის აფეთქების შედეგად დაშავდნენ 48 და 56 წლის ქალები. თავდასხმის დროს ორივე სახლში იმყოფებოდა. დაშავებულები გადაიყვანეს სამედიცინო დაწესებულებაში, სადაც მათ დაუდგინდათ ასაფეთქებლით მიყენებული დაზიანებები, ჭრილობები და ტვინის შერყევა,” – წერია განცხადებაში.

თავდასხმის შედეგად, ასევე, დაზიანდა საცხოვრებელი კორპუსები, კერძო სახლები, ელექტროქსელები და ავტომობილები.

დონეცკის საოლქო პროკურატურის საპროცესო ხელმძღვანელობით, დაიწყო წინასწარი გამოძიება სისხლის სამართლის საქმეზე ომის კანონებისა და ჩვეულებების დარღვევის ფაქტებზე.

წინა სტატიაადენის ყურეში, ამერიკული ხომალდიდან, ჰუსიტებმა სამი ამერიკელი მძევალი აიყვანეს
შემდეგი სტატია1 წელი რუსული კანონის მიღებიდან და მარტის აქციებიდან
ტელეკომპანია ოდიშის საინფორმაციო სამსახური