სამეგრელოში, სამ ლოკაციაზე, 54.000 კოლოფი უაქციზო სიგარეტი ამოიღეს, დაკავებულია სამი პირი

0
81

ფინანსთა სამინისტროს საგამოძიებო სამსახურის განცხადებით, განსაკუთრებით დიდი ოდენობით უაქციზო სიგარეტის შენახვა-გადაზიდვის ფაქტზე 1 მარტს სამი პირი დააკავეს. 

ერთი ოპერაცია ზუგდიდი- სენაკის ცენტრალურ მაგისტრალზე, სოფელ ნოჯიხევის მონაკვეთთან ჩატარდა. 

“საგამოძიებო მოქმედებების შედეგად, სამეგრელოს რეგიონში, სამ ლოკაციაზე, ბრალდებულებისაგან ამოღებულია სარეალიზაციოდ განკუთვნილი, სხვადასხვა დასახელების ჯამში 54 500 კოლოფი უაქციზო სიგარეტი, რომლის საერთო საბაზრო ღირებულება 256 000 ლარს აღემატება”, – წერია უწყების განცხადებაში.

სპეცოპერაცია გამთენიისას ფინანსურმა და ზუგდიდის პოლიციამ ჩაატარა. ამოღებულია 35 ყუთი უაქციზო სიგარეტი, რომელიც სავარაუდოდ ზღვით, ყულევის სანაპირო ზოლის გავლით  ხობის სოფელ თორსაში შემოიტანეს, საიდანაც  კონტრაბანდული სიგარეტის გადატანა ქუთაისის მიმართულებით  უნდა მომხდარიყო.

კონტრაბანდისთვის დაკავებულები თბილისში არიან გადაყვანილი. არსებული ინფორმაციით, დაკავებულებიდან ორი ანალოგიური დანაშაულისთვის უკვე ნასამართლევია და ამჟამად პირობითი მსჯავრს ქვეშ იმყოფებოდნენ. მათ სასჯელი სამი წელი ციხეში მოიხადეს, სამი კი პირობითი ჰქონდათ შეფარდებული.

წინა სტატიაშვილის შესაძლო ბრალეულობის გამო, აჭარის განათლების მინისტრის მოადგილე გადადგა
შემდეგი სტატიადღეს პირველკლასელთა რეგისტრაციის პირველი ეტაპი იწყება
ტელეკომპანია ოდიშის საინფორმაციო სამსახური