აშშ-ის სახელმწიფო დეპარტამენტის პრესსპიკერმა, მეთიუ მილერმა განაცხადა, რომ უკრაინაში ბრძოლის ველზე სიტუაცია უკიდურესად მძიმეა, რადგან უკრაინელ სამხედროებს არ აქვთ საკმარისი საბრძოლო მასალა.
“სიტუაცია ახლა უკიდურესად მძიმეა. ჩვენ ვნახეთ უკრაინის ფრონტის ჯარები, რომლებსაც არ გააჩნიათ რუსული აგრესიის მოსაგერიებლად საჭირო საბრძოლო მასალა. ისინი კვლავ გაბედულად, მამაცურად იბრძვიან. მათ ჯერ კიდევ აქვთ ჯავშანტექნიკა, იარაღი და საბრძოლო მასალა, რომელთა გამოყენებაც შეუძლიათ, მაგრამ მათ ახლა უწევთ მისი რაციონირება, რადგან შეერთებული შტატების კონგრესმა ვერ იმოქმედა”, – თქვა მილერმა.
მისი თქმით, წლის განმავლობაში, ელიან, რომ უკრაინული ძალები გააგრძელებენ გაბედულ ბრძოლას და მიაღწევენ წინსვლას, მაგრამ ეს მათთვის უფრო რთული იქნება, თუ არ ექნებათ წვდომა საბრძოლო მასალაზე.