ევროკავშირის თავშესაფრის მაძიებელთა საკითხებზე მომუშავე სააგენტოს ინფორმაციით, 2023 წელს ევროკავშირში თავშესაფარი 1,14-მა მილიონმა ადამიანმა მოითხოვა, რაც წინა წელთან შედარებით 18%-ით მაღალია და ბოლო 7 წლის რეკორდია.

ყველაზე მეტი განაცხადი სირიიდან და ავღანეთიდანაა, წლის ბოლოს კი ზრდა დაფიქსირდა პალესტინიდან. თავშესაფრის მოთხოვნის მაღალი მაჩვენებელი ფიქსირდება თურქეთის მოქალაქეების მხრიდანაც.

რაც შეეხება საქართველოს. სააგენტოს ინფორმაციით, 2023 წელს საქართველოს მოქალაქეებმა ევროკავშირში თავშესაფრის მოთხოვნით სულ 25 209 განაცხადი შეავსეს, რაც შარშანდელთან შედარებით 12%-ით ნაკლებია.

ყველაზე მეტი განაცხადი საქართველოს მოქალაქეებმა გერმანიაში შეავსეს – 9 194; შემდეგ მოდის საფრანგეთი – 7210 განაცხადი; შემდეგ იტალია – 3015 განაცხადით და სხვა ქვეყნები ერთად 5 700 განაცხადი.