მთავარისიახლეებისაზოგადოებაწალენჯიხაში კლინიკაში 45 წლის მამაკაცი დაიღუპა

წალენჯიხაში კლინიკაში 45 წლის მამაკაცი დაიღუპა

Published on

წალენჯიხაში, კლინიკაში 45 წლის კაცი დაიღუპა. ოჯახი ამბობს, რომ კლინიკაში შოკურ მდგომარეობაში მყოფი პაციენტი საღამოს 10 საათზე მიიყვანეს, ამ მომენტიდან ექიმებიც და ოჯახიც ითხოვდა რეანიმობილის გაგზავნას, რადგან წალენჯიხის კლინიკას რეანიმაციული განყოფილება არ აქვს, შესაბამისად, არ ჰყავთ რეანიმატოლოგი.

რეანიმობილს ადგილზე ღამის სამის ნახევრამდე ელოდებოდნენ, საქმეში ჩართული იყო მერიაც. მერის მოადგილე, თამარ ბელქანია კიდევ ერთხელ ითხოვს რეგიონს რეანიმობილი გადაეცეს – “დაანებეთ თავი ჯანდაცვის პოლიტიზებას – ყველა ადამიანს აქვს სიცოცხლის უფლება!” – დაწერა მან.

როცა ადგილზე რეანიმობილი ჩავიდა, პაციენტს გული გაჩერებული ჰქონდა და ექიმებმა მისი გადარჩენა ვეღარ შეძლეს.

ოჯახმა ექსპერტიზაზე უარი თქვა. კაცი ასაკოვან მშობლებთან ერთად ცხოვრობდა, მისი ცოლი ემიგრაციაშია წასული.

ოჯახი ამბობს, რომ ჯანდაცვის ცხელ ხაზზე იღებდნენ პასუხს, რომ რეანიმობილი გზაში იყო და საკითხს მოიკვლევდნენ. მათივე თქმით, კაცი ზუგდიდის ან რუხის კლინიკაში დროულად რომ გადაეყვანათ, ექიმები მის გადარჩენას შეძლებდნენ.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...