ქართველი მებრძოლის მამუკა გაწერელიას ოჯახი შვილის სამუდამო პატიმრობიდან გათავისუფლებაში დახმარებას ითხოვს

0
78

რუსეთმა ქართველ მებრძოლს, მამუკა გაწერელიას, სამუდამო პატიმრობა მიუსაჯა. მარიუპოლის მცველს ის სულ მცირე 4 რუსი სამხედროს მკვლელობის მცდელობაში ადანაშაულებდა. მამუკა გაწერელიას დედა, დალი ჩხეიძე ამბობს, რომ მისი შვილი ნაწამებია და ითხოვს მის გათავისუფლებაში დახმარებას.

დონეცკის სახალხო რესპუბლიკის უზენაესმა სასამართლომ უკრაინის შეიარაღებული ძალების 22 წლის მსროლელის წინააღმდეგ სისხლის სამართლის საქმეზე განაჩენი გამოიტანა. მამუკა გაწარელია დამნაშავედ ცნო რუსეთის ფედერაციის სისხლის სამართლის კოდექსის 317-ე მუხლით (თავდასხმა სამხედრო მოსამსახურის სიცოცხლეზე, რათა ხელი შეუშალოს აღნიშნული პირის კანონიერ საქმიანობას საზოგადოებრივი უსაფრთხოების უზრუნველსაყოფად) და რუსეთის ფედერაციის სისხლის სამართლის კოდექსის 359-ე მუხლის თ3 (დაქირავებულის მონაწილეობა შეიარაღებულ კონფლიქტში)

სახელმწიფო პროკურორის პოზიციის გათვალისწინებით, სასამართლომ გაწარელიას სასჯელის სპეციალური რეჟიმის აღმზრდელობით კოლონიაში მოსახდელად უვადო პატიმრობა შეუფარდა, ” – წერია რუსეთის გენერალური პროკურატურის ცნობაში

შეგახსენებთ, რომ 22 წლის მამუკა გაწერელია ტყვედ 2022 წლის 20 მაისს, “აზოვსტალის” დატოვების დროს ჩავარდა. გაწერელიების ოჯახი აფხაზეთიდან დევნილია და აქამდე, მებრძოლის ტყვეობის ამბავს არ ახმაურებდა.რუსულმა პროპაგანდისტულმა მედიამ 22 წლის ქართველი მებრძოლის მამუკა გაწერელიას სამუდამოდ დაპატიმრების შესახებ ინფორმაცია გუშინ გაავრცელა. მამუკა გაწერელია საქართველოს შეიარაღებული ძალების ყოფილი სამხედროა. ის უკრაინაში 2022 წლიდან გაემგზავრა.

წინა სტატიაონის სოფლებში მეწყრული პროცესები გააქტიურდა
შემდეგი სტატია“საქართველო შეფასდება იმის მიხედვით, რამდენად შეძლებს ჩაატაროს სამართლიანი არჩევნები” – საფრანგეთის ელჩი
ტელეკომპანია ოდიშის საინფორმაციო სამსახური