“ნიკა გვარამია პოლიტიკურ სცენაზე მოსიარულე ანტირეიტინგია… რა 25%, ეტყობა უნდოდა ეთქვა 2,5%”, – ამის შესახებ “ქართული ოცნების” წევრი არჩილ თალაკვაძე საუბრობს და “მთავარი არხის” დამფუძნებლის, ნიკა გვარამიას პოლიტიკურ გეგმებს ეხმაურება.

ნიკა გვარამია არის პოლიტიკურ სცენაზე მოსიარულე ანტირეიტინგი. ამ პოლიტიკურ სცენაზე ვისაც არ მიაკითხავს, ვის ოფისსაც არ მიაკითხავს, ვიზეც არ გააკეთებს განცხადებას, რა თქმა უნდა, ყველა ოპოზიციური პარტიისთვის თუ ლიდერისთვის ეს არის თავის ტკივილი და ეს არის პრობლემა. რა 25%, 25% “ნაციონალურ მოძრაობას” ვერ აუღია მათ ჩატარებულ კვლევებშიც და ნიკა გვარამიას რა 25% აქვს ხალხო, ეტყობა უნდოდა ეთქვა 2,5% არის ჩემი მიზანიო. ალბათ ამას გულისხმობდა, – ამბობს თალაკვაძე.