ნავალნის დედა შვილის ცხედარს ითხოვს და პუტინს მიმართავს

0
76

ალექსეი ნავალნის დედა შვილის ცხედარს ითხოვს და იმ ციხის ტერიტორიიდან, სადაც რუსი ოპოზიციონერი დაიღუპა, ვიდეომიმართვას ავრცელებს. ლუდმილა ნავალნაიას განცხადების ადრესატი, პუტინია:

„ჩემს უკან არის სასჯელაღსრულების კოლონია „პოლარული მგელი“, სადაც ჩემი შვილი ალექსეი ნავალნი გარდაიცვალა 16 თებერვალს. მეხუთე დღეა ვერ ვნახე, არც ცხედარი მაძლევენ და არც იმას მეუბნებიან სად არის. მე თქვენ მოგმართავთ, ვლადიმერ პუტინ, საკითხის გადაწყვეტა მხოლოდ თქვენზეა დამოკიდებული. ნება მომეცით, საბოლოოდ ვნახო ჩემი შვილი. მოვითხოვ, სასწრაფოდ გადმომცეთ ალექსეის ცხედარი, რომ ადამიანურად დავასაფლავო. “- ამბობს ლუდმილა ნავალნაია.

შეგახსენებთ, რუსეთის სასჯელაღსრულების ფედერალურმა სამსახურმა 16 თებერვალს განაცხადა, რომ ალექსეი ნავალნიმ გასეირნების შემდეგ თავი შეუძლოდ იგრძნო, გონება დაკარგა და ექიმების მცდელობის მიუხედავად, გარდაიცვალა.

ნავალნის ცხედარი ამ დრომდე სავარაუდოდ სალეხარდის მორგშია, თუმცა როგორც გუშინ გახდა ცნობილი, მას ოჯახს კიდევ 2 კვირის განმავლობაში არ გადასცემენ.

წინა სტატიაგთხოვთ გაუგზავნოთ მკაფიო გზავნილი საქართველოს ხელისუფლებას, გაათავისუფლონ მიხეილ სააკაშვილი – მაკრონის გუნდის წევრის მიმართვა EU-ს ხელმძღვანელობას
შემდეგი სტატიანიკა გვარამია პოლიტიკურ პარტიას მარტში წარადგენს
ტელეკომპანია ოდიშის საინფორმაციო სამსახური