ბრიუსელში დღეს საქართველო-ევროკავშირის ასოცირების საბჭოს მერვე სხდომა გაიმართება – ამის შესახებ ევროკავშირის საბჭოს პრესრელიზშია აღნიშნული. დღის წესრიგის თანახმად, სხდომა ბრიუსელის დროით 11:00 საათზე დაიწყება.
სხდომას ევროკავშირის უმაღლესი წარმომადგენელი საგარეო პოლიტიკისა და უსაფრთხოების საკითხებში, ჯოზეფ ბორელი უხელმძღვანელებს. საქართველოს დელეგაციის ხელმძღვანელი კი პრემიერმინისტრი კობახიძე იქნება.
სხდომაზე განხილული იქნება ის დათქმებიც, რომელიც საქართველოსთვის, როგორც კანდიდატის ქვეყნისთვისაა განსაზღვრული.
აღსანიშნავია, რომ ბრიუსელის მიერ გაწერილი 9 დათქმიდან ერთ-ერთი მთავარი მოთხოვნა მომავალი არჩევნების თავისუფალ და სამართლიან გარემოში ჩატარება.
ბრიუსელში მიმდინარე სხდომის პარალელურად კი ქართული ოცნება პარლამენტში მესამე მოსმენით განიხილავს საარჩევნო კანონმდებლობაში შესატან ცვლილებებს, რომელთან დაკავშირებითაც ვენეციის კომისიას უარყოფითი დასკვნა აქვს მომზადებული
ცვლილების მიხედვით, ხელისუფლება ცესკოს ერთპარტიული პრინციპით დააკომპლექტებს.