ავდეევკაში რუსული ძალები შევიდნენ მას შემდეგ, რაც წუხელ და დილით მათ ქალაქს მასირებულად, არტილერიითა და ავიაციით შეუტიეს, თანაც, როგორც სამხედრო ანალიტიკოსები აღნიშნავენ, საავიაციო იერიშები ყველაზე ინტენსიური იყო ბოლო პერიოდის განმავლობაში.
აშშ-ის ომის შემსწავლელი ინსტიტუტის ანალიტიკოსები წერენ, რომ ავდეევკის ცანტრი და ქალაქის ძირითადი ნაწილი უკვე რუსი ოკუპანტების ხელთაა. ამავე დროს, ვოლოდიმირ ზელენსკიმ “სწორი გადაწყვეტილება” უწოდა ავდეევკიდან ჯარების გაყვანას, ხოლო ჯო ბაიდენმა ჟურნალისტებს უთხრა, რომ ავდეევკის დაცემა სენატის უპასუხისმგებლო მოქმედების შედეგია, რომელიც არდადეგებზე ისე გავიდა, რომ უკრაინის სამხცედრო დახმარების საკითხი არ განუხილავს:
“ნახეთ, რა მამაცად იბრძვიან უკრაინელები, ხოლო იმის გაფიქრება, რომ ასეთი ბრძოლის მიუხედავად, მათ ჩვენი უმოქმედობის გამო არ ჰყოფნით საბრძოლო მასალები, უბრალოდ, არეთიკურია. ამიტომ მე ყველაფერს გავაკეთებ, რომ უკრაინამ დამატებითი თავდაცვითი იარაღი აუცილებლად მიიღოს”, – განაცხადა აშშ-ის პრეზიდენტმა.