რუსეთის საგარეო უწყება აფხაზეთის ე.წ. უზენაესი სასამართლოს გადაწყვეტილებას აპროტესტებს

0
129

რუსეთის საგარეო საქმეთა სამინისტროს განცხადებაში ნათქვამია, რომ უკიდურესი შეშფოთებით მიიღეს ცნობა იმის შესახებ, რომ აფხაზეთის ე.წ. რესპუბლიკის მოქალაქე ე. აბუხბა, რომელმაც 2019 წელს რუსი ტურისტის მიმართ მძიმე დანაშაული ჩაიდინა, პატიმრობიდან გათავისუფლდა მას შემდეგ, რაც უზენაესმა სასამართლომ მისი განაჩენი შეამსუბუქა.

“ჩვენი შეფასებით, ეს რეზონანსული შემთხვევა მოწმობს აფხაზური მართლმსაჯულების არათანაბარზომიერ დამოკიდებულებაზე აფხაზეთის ტერიტორიაზე ჩადენილ დანაშაულსა და ამ დანაშაულებში ბრალდებულების მიმართ გამოტანილ განაჩენზე.

ცხადია, რომ ეს უქმნის რისკს უცხო ქვეყნების იმ მოქალაქეებს, რომლებიც ყოველწლიურად ჩადიან აფხაზეთის ზღვისპირა კურორტებში, რის შესახებაც ჩვენ იძულებული ვართ გავაფრთხილოთ ჩვენი თანამოქალაქეები”, – ნათქვამია რუსეთის საგარეო საქმეთა სამინისტროს განცხადებაში.

წინა სტატია“არ დაგვავიწყდება, არ გაპატიებთ…” – თბილისსა და ბათუმში რუსებმა ნავალნის ხსოვნას პატივი მიაგეს
შემდეგი სტატიაქუთაისი-ბარსელონას ავიარეისზე ასაფეთქებელი მოწყობილობის არსებობის შესახებ ცრუ შეტყობინებისთვის საქართველოს მოქალაქე დააკავეს
ტელეკომპანია ოდიშის საინფორმაციო სამსახური