“ერთიანმა ნაციონალურმა მოძრაობამ” საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით ხელმოწერების შეგროვება დაიწყო. ამის შესახებ მიხეილ სააკაშვილის საზოგადოებრივ მისაღებში გამართულ ბრიფინგზე სოფო ჯაფარიძემ თქვა. ის პრეზიდენტ სალომე ზურაბიშვილს მიხეილ სააკაშვილის შეწყალებისკენ მოუწოდებს.
“სალომე ზურაბიშვილს აქვს შესაძლებლობა, მიიღოს ისტორიული გადაწყვეტილება და დაასრულოს მიხეილ სააკაშვილის პოლიტიკური პატიმრობა. მთელი საქართველოს მასშტაბით, “ერთიანი ნაციონალური მოძრაობა” მიხეილ სააკაშვილის ასიათასობით ამომრჩეველთან და მხარდამჭერთან ერთად ვიწყებთ ხელმოწერების შეგროვებას”, – ამბობს სოფო ჯაფარიძე.