თბილისში, ღამით მომხდარი ავტოსაგზაო შემთხვევა მსხვერპლით დასრულდა. თითქმის, 4-საათიანი ძებნის შემდეგ, მაშველებმა მტკვარში გადავარდნილი მსუბუქი ავტომობილი ამოიყვანეს, რომელშიც მამაკაცის ცხედარი იყო. ცხედარი ექსპერტიზის ბიუროში გადაასვენეს.
თვითმხილველების თქმით, “ტოიოტას ” მარკის ავტომობილმა ჯერ ჯებირი გაანგრია, რის შემდეგაც მდინარეში გადავარდა. სამძებრო-სამაშველო სამუშაოებში ჩართული იყვნენ მყვინთავები.
ადგილზე მობილიზებული იყო სამაშველო და საპატრულო ეკიპაჟები. ფაქტზე დაწყებულია გამოძიება.
თვითმხილველის ინფორმაციით, შემთხვევის ადგილზე მოცურების კვალი არ არის.
“ვარდების მოედნიდან მოდიოდა ავტომობილი. არც მოცურების კვალი იყო, არც არაფრის, რასაც დავუკვირდით. ჯებირები ისეა მოტეხილი, რომ არც სანომრე ნიშანი, არაფერი არ არის დარჩენილი. გადავარდა მდინარე მტკვარში”, – აცხადებს თვითმხილველი.