“უგუნური განცხადებები, ემსახურება მხოლოდ პუტინის ინტერესებს” – მიშელი ტრამპის მუქარაზე

0
69

„უგუნური განცხადებები ნატო-ს უსაფრთხოებისა და მე-5 მუხლის შესახებ ემსახურება მხოლოდ პუტინის ინტერესებს“, – ასე ეხმაურება ევროპული საბჭოს პრეზიდენტი, შარლ მიშელი დონალდ ტრამპის მორიგ სკანდალურ განცხადებას.

აშშ-ის 45-ე პრეზიდენმა, რომელსაც ისევ სურს თეთრ სახლში დაბრუნება, გუშინ თქვა, რომ არ შეაკავებდა რუსეთის თავდასხმას ნატოს იმ მოკავშირეებზე, რომლებიც ალიანსის წესდებით განსაზღვრულ სამხედრო დანახარჯების ნიშნულს ჩამორჩებიან.

“დიდი ქვეყნის ერთი პრეზიდენტი წამოდგა და მკითხა, “თუ ჩვენ არ გადავიხდით და რუსეთი თავს დაგვესხმება, თქვენ დაგვიცავთ?” მე ვუთხარი: “არ გადაიხადეთ? არგადამხდელი ხართ? … არა, არ დაგიცავთ, უფრო მეტიც, მათ [რუსებს] წავაქეზებ, რაც უნდათ, ის გააკეთონ. უნდა გადაიხადოთ” – თქვა ტრამპმა.

ტრამპის განცხადებას თეთრმა სახლმა “თავზარდამცემი და არანორმალური” უწოდა. ხოლო NATO-ს გენერალური მდივნის იენს სტოლტენბერგის თქმით, ნებისმიერი განცხადება, რომელიც მიანიშნებს, რომ “მოკავშირეები ერთმანეთს არ დაიცავენ, ყველა ჩვენგანის უსაფრთხოებას ძირს უთხრის”.

ცნობისთვის, ნატო-ს ხელშეკრულების მე-5 მუხლში ნათქვამია, რომ შეიარაღებული თავდასხმა ალიანსის წევრზე განიხილება თავდასხმად ყველას წინააღმდეგ, რაც გამოიწვევს კოლექტიური თავდაცვას.

წინა სტატია“პოლიტიკური სიბეცე” – წულუკიანი პრეზიდენტს აკრიტიკებს
შემდეგი სტატიანატო არ შეიძლება იყოს სამხედრო ალიანსი, რომელიც აშშ-ის პრეზიდენტის განწყობის მიხედვით იმოქმედებს – ბორელი
ტელეკომპანია ოდიშის საინფორმაციო სამსახური