საქართველოს პრეზიდენტი პოლიტიკოსებთან და საზოგადოებრივი სპექტრის დაინტერესებულ წარმომადგენლებთან შეხვედრებს აგრძელებს. მიზანი ქვეყნის ევროპული მომავლისათვის მთავარ პრიორიტეტებზე შეჯერება და ქარტიის “ერთობის პლატფორმა ევროპისთვის” ჩამოყალიბებაა.
ამ წუთებში სალომე ზურაბიშვილს “ნაციონალური მოძრაობის: ყოფილი თავმჯდომარე, ნიკა მელია, ხვდება.
“მიზანი იმდენად ეროვნულია, რომელიც გულისხმობს ევროპულ პერსპექტივას, აქ საუბარი, ბუნებრივია, კონსოლიდაციაზე და გაერთიანებაზე არის აუცილებელი. საერთო ეროვნული ინტერესის გარშემო. მაშინ რა გინდა პოლიტიკაში, თუ ამ მნიშვნელოვანი საკითხის გარშემო შენ ვერ ახერხებ თუნდაც კონსენსუსის გამონახვას ნებისმიერი შენთვის პერსონალურად მიუღებელ ადამიანთანაც კი. პარტიები ჩემთვის არ არსებობენ მიუღებელნი იქ, სადაც დგას ქართველი ხალხის და ქვეყნის ინტერესი. არ არსებობს ეხლა აქ არც ივანიშვილი, ბუნებრივია, არც კეზერაშვილი, არც კობახიძე, არც ღარიბაშვილი. არსებობს ერთადერთი ინტერესი, ქართველი ხალხის ინტერესი, რომელიც მე პირადად მინდა ავსახო ჩემს პოლიტიკურ საქმიანობაში და მინდა ვიყო მათი წარმომადგენელი. აქ ეხლა თუ პირადად კეზერაშვილი იჯდება ამ შეხვედრაზე, ის არ დაჯდეს ამ შეხვედრაზე, მე რატომ უნდა ვთქვა უარი სახელმწიფო ინტერესზე”, – ამბობს მელია.
მანამდე კი პრეზიდენტს შეხვდნენ “გირჩი – მეტი თავისუფლების,” “ლელოსა” და სხვა ოპოზიციური ძალების წარმომადგენლები. ამ დროისთვის ზურაბიშვილის შეთავაზებას მხოლოდ ექსპრემიერ გიორგი გახარიას პარტია “საქართველოსთვის” არ იზიარებს.