მთავრობის ახალ შემადგენლობას საპარლამენტო უმრავლესობა დახურულ ფორმატში უსმენს

0
95

პარლამენტში წარდგენილ მთავრობის ახალ შემადგენლობას საპარლამენტო უმრავლესობა დახურულ ფორმატში უსმენს. სხდომის დახურვის ინიციატივა მამუკა მდინარაძემ გააჟღერა, რასაც “ქართული ოცნებისა” და “ხალხის ძალის” წევრებმა მხარი დაუჭირეს.

“ვინაიდან ეს არის უმრავლესობის შეხვედრა მთავრობის მომავალ შემადგენლობასთან, მისი სპეციფიკიდან და თავისებურებიდან გამომდინარე, გთავაზობთ რომ ეს შეხვედრა იყოს დახურული და ამას ვუყაროთ კენჭი… მედიის წარმომადგენლებს მოვუხადოთ ბოდიში და დაგვტოვონ და ასევე, აპარატის თანამშრომლებს ვთხოვთ, რომ სტრიმი გათიშონ”, – თქვა მამუკა მდინარაძემ.

შეგახსენებთ, რომ დღეს საპარლამენტო უმრავლესობის დეპუტატები პრემიერმინისტრობის კანდიდატს ირაკლი კობახიძეს უსმენენ.

მინისტრთა კაბინეტი და სამთავრობო პროგრამა დღესვე პარლამენტის პლენარულ სხდომაზე გავა, სადაც საკითხს კენჭს უყრიან.

როგორც ცნობილია, სამთავრობო კაბინეტში მხოლოდ ერთი მინისტრი იცვლება. თავდაცვის მინისტრს, ჯუანშერ ბურჭულაძეს ირაკლი ჩიქოვანი ჩაანაცვლებს.

წინა სტატიასაქართველოს რკინიგზამ განაახლა სამგზავრო მიმოსვლა
შემდეგი სტატიასოსო ჯაჭვლიანი გარდაიცვალა
ტელეკომპანია ოდიშის საინფორმაციო სამსახური