ძლიერმა ქარმა და გადაუღებელმა წვიმამ პრობლემები შექმნა ანაკლიაში – დატბორილია საცხოვრებელი სახლების პირველი სართულები, ქარმა ადმინისტრაციულ შენობებს სახურავები გადახადა.
ძლიერმა წვიმამ პრობლემები შეუქმნა მდინარე ენგურის სანაპირო ზონაში მცხოვრებლებს, დაიტბორა სახლები. სამაშველო სამსახურმა ოჯახებიდან მოხუცები და ბავშვები უსაფრთხო ადგილას გადაიყვანა.
“არ გვეძინა მთელი ღამის განმავლობაში, სახლში ვერ შევდივართ, ვართ მეორე სართულზე, ყველაფერი გაფუჭებულია, განადგურებულია. იმედი არაფრის არ გვაქვს, ასე ვიძირებით ნელ-ნელა, პატრონი ჩვენ არ გვყავს”, – ამბობს ერთ-ერთი დაზარალებული.
ამ დროისთვის ანაკლიაში წვიმამ გადაიღო თუმცა, ამინდის გაუარესება ისევ მოსალოდნელია.