ვოლოდიმირ ზელენსკიმ იტალიურ მედიასთან ინტერვიუში პირველად საჯაროდ უპასუხა შეკითხვას უკრაინის შეიარაღებული ძალების სარდლის ვალერი ზალუჟნის მოსალოდნელი გადაყენების შესახებ.
შეგახსენებთ, ხმები ზალუჟნის შესაძლო გადაყენების თაობაზე, დაახლოებით 10 დღის წინ გავრცელდა. დასახელდა ვადაც – უკვე გასული იანვრის ბოლო რიცხვები, თუმცა, ხმები არ დადასტურდა.
ამის მიუხედავად, უკრაინის პრეზიდენტის კომენტარიდან ირკვევა, რომ ზალუჟნის გადაყენების საკითხი, როგორც მინიმუმ, განიხილება მაინც:
“საჭიროა გადატვირთვა, ახალი დასაწყისი, ვგულისხმობ რაღაც სერიოზულს, რომელიც ეხება არა ერთ ადამიანს, არამედ ქვეყნის ხელმძღვანელობის მიმართულებას”, – განაცხადა ვოლოდიმირ ზელენსკიმ იტალიელ ჟურნალისტებთან საუბარში.