სარატოვის ოლქის ქალაქ ენგელსში დაუდგენელმა პირებმა რამდენიმე ტყვია ესროლეს რუს სამხედრო პილოტს ოლეგ სტეგაჩოვს, რომელიც, უკრაინის დაზვერვის ხელთ არსებული ინფორმაციის მიხედვით, 2022 წლის ივლისში იმ Ту-95-ის ეკიპაჟის მეთაური იყო, რომელიც უკრაინის ქალაქებს ბომბავდა და რომელსაც ერთერთი ყველაზე სისხლიანი – ქალაქ დნეპრის დაბომბვა ეხება.
უკრაინის დაზვერვა არც ადასტურებს და არც უარყოფს მომხდართან უკრაინის სპეცსამსახურების კავშირს, ამასთან, გავრცელებულ ცნობაში არც პილოტის მდგომარეობაზეა საუბარი. ერთ-ერთი ვერსიით, პილოტი მის მანქანაში ჩაცხრილეს და მოკვდა, რუსლიპროპ-მედია კი წერს, რომ სტეგაჩოვი ცოცხალია და ის მხოლოდ ტრავმატული იარაღით, საყოფაცხოვრებო ნიადაგზე წარმოშობილი დავის დროს დაჭრეს.
ამ ვერსიის გავრცელებიდან სულ ცოოტა ხანში კი გავრცელდა მანქანის კადრებიც, სადაც სტეგაჩოვი ჩაცხრილეს. ცოტა ძნელად დასაჟერებელია, რომ საყოფაცხოვრებო ნიადაგზე დაწყებული დავის მეორე მხარე სტუგაჩევს უკან დადევნებოდა, სახლამდე მიჰყოლოდა და მანქანიდან გადმოსვლის დროს ესროლა.