“აქ სწავლა ჩემთვის ახალი გამოწვევაა” – ჩვენი ჟურნალისტის სტუდენტური ცხოვრება ავსტრიაში

0
65

ლევან თორია ერთ-ერთი მათგანია, ვინც განათლებას ევროპაში იღებს, ის
2023 წელს კარლ ფრანცენსის სახელობის გრაცის სახელმწიფო უნივერსიტეტში სოციოლოგიის ფაკულტეტზე ჩაირიცხა. ავსტრიაში, კარლ ფრანცენსის უნივერსიტეტი სიდიდით და სიძველით მეორე პოზიციას იკავებს. ტელეკომპანია „ოდიშის“ პოლიტიკური თოქ-შოუს წამყვანი ევროპულ განათლებასა და სამომავლო გეგმებზე გვესაუბრა.
– ლევან, რატომ მაინცდამაინც ეს უნივერსიტეტი, რითი გამოირჩევა სხვა ევროპული უნივერსიტეტებისგან?

პირველ რიგში მინდა ავღნიშნო, რომ კარლ ფრანცენსის უნივერსიტეტი ავსტრიაში რიგით მეორე ყველაზე ძველი და დიდი უნივერსიტეტია. ასევე უნდა ითქვას, რომ აქ, ავსტრიაში, სწავლის გადასახადი საკმაოდ დაბალია თუ შევადარებთ სხვა ევროპულ ან ამერიკულ უნივერსიტეტებს და სწავლების ხარისხიც საკმაოდ მაღალია. გარდა ამისა, აქ სწავლა ჩემთვის ახალი გამოწვევაა, რადგან გერმანული ჩემთვის სრულიად ახალი ენაა და ახლაც, პარალელურად მისი სწავლაც მიწევს…
– შენ მოქმედი ჟურნალისტი ხარ, როგორ უთავსებ ერთმანეთს ამ ორ საქმეს?

დღევანდელ რეალობაში ბევრი რამის გაკეთება ონლაინ, დისტანციურადაა შესაძლებელი და როგორღაც ვახერხებ სწავლას და მუშაობას ერთად. თუმცა ისიც უნდა ითქვას, რომ აქ მყოფ სტუდენტთა უმრავლესობა ახერხებს სწავლას მუშაობა შეუთავსოს.
– რა გეგმები გაქვს, აპირებ თუ არა საქართველოში ამ მიმართულებით მუშაობას?

რაც შეეხება ჩემს მომავალ გეგმებს, ეს სრულად დაკავშირებულია საქართველოსთან. მიუხედავად იმისა, რომ ძალიან ახალგაზრდაც აღარ ვარ, ვცდილობ პროფესიულად განვვითარდე, რათა ჩემს ქვეყანას ვემსახურო, რადგან სხვა არაფრის გაკეთება შემიძლია და ყველაზე დიდ სიამოვნებასაც აღნიშნული საქმე მანიჭებს.
ბოლოს კი მადლობა მინდა გადავუხადო ჩემს ოჯახს, ჩემს მეუღლეს, დედაჩემს, რომელთა ძალიან დიდი ძალისხმევით ვარ ახლა აქ და რა თქმა უნდა ქალბატონებს იზოლდა გორგაძეს და იზო ქარდავას, რომლებიც ძალიან დამეხმარნენ გერმანულის ენის შესწავლაში. მადლობა ასევე ტელეკომპანია “ოდიშს” ხელშეწყობისთვის.

P.S. “ჩვენი ყველაზე ბედნიერი დღეები წინაა”

ლევან თორია, 2024 წ.

წინა სტატიაბაიდენი ადასტურებს, რომ სირიასა და ერაყში პროირანული ობიექტები მისი ბრძანებით დაიბომბა
შემდეგი სტატიადღე 711-ე, დაცემული ქართველი მებრძოლების ჩამოსვენება და სხვა დეტალები – რუსეთ-უკრაინის ომი
ტელეკომპანია ოდიშის საინფორმაციო სამსახური