რუსეთი არ შეიძლება იყოს სომხეთის მთავარი პარტნიორი თავდაცვის სფეროში

0
64

სომხეთის პრემიერმინისტრი, ნიკოლ ფაშინიანი ამბობს, რომ უნდა გაიგონ ვისთან შეიძლება ქვეყანას რეალურად ჰქონდეს სამხედრო-ტექნიკური და თავდაცვითი ურთიერთობა.

მისივე განცხადებით, წარსულში სომხეთის თავდაცვის სექტორის ურთიერთობების 95-97% რუსეთთან იყო. ფაშინიანის აზრით, სომხეთს არმიის განვითარების კონცეფციის შეცვლა სჭირდება.

” ახლა ეს არ შეიძლება იყოს იგივე, როგორც ობიექტური, ასევე სუბიექტური მიზეზების გამო. ჩვენ უნდა გავიგოთ, როგორი ურთიერთობა გვაქვს, მაგალითად, ინდოეთთან ამ კონცეფციაში”, – განაცხადა მან.

ფაშინიანმა თქვა, რომ უნდა ჩამოყალიბდეს ახალი კონცეფცია, პროცესი, მისი თქმით, წლის განმავლობაში უნდა დასრულდეს.

მან აღნიშნა, რომ ერევანი ეძებს ახალ პარტნიორებს, რადგან მოსკოვმა ვერ შეასრულა მოკავშირის ვალდებულებები. სომხეთის პრემიერი ამბობს, რომ ყარაბაღში განვითარებულმა მოვლენებმა სომხეთს თავდაცვის სფეროში ახალი პარტნიორების მოძიების აუცილებლობა აჩვენა.

წინა სტატიაიტალიაში ალკოჰოლური სასმლის ქურდობისთვის საქართველოს მოქალაქე დააკავეს
შემდეგი სტატიანატა ფერაძეს 5-დღიანი ადმინისტრაციული პატიმრობა შეეფარდა
ტელეკომპანია ოდიშის საინფორმაციო სამსახური