მხოლოდ ერთი, თავდაცვის მინისტრი შეიცვლება – ირაკლი კობახიძე

0
84

“რა უნდა დავუწუნო, ნახეთ როგორი კაცია, თვითონ მოისურვა წასვლა, მე არ მომისურვებია”, – ასე შეაფასა ბიძინა ივანიშვილმა ირაკლი ღარიბაშვილი, რომელმაც მერვე ყრილობაზე მადლობა გადაუხადა პარტიის საპატიო თავმჯდომარეს, რომ “ისტორიულ პროცესებში მონაწილეობის უფლება მისცა”.

ირაკლი ღარიბაშვილმა დაახლოებით ხუთწუთიან გამოსვლაში ბიძინა ივანიშვილი მინიმუმ, ათჯერ ახსენა და განაცხადა, რომ მან “საქართველოს ისტორიაში პირველად, დემოკრატიული არჩევნებით დაამარცხა “ყველაზე ანტისახელმწიფოებრივი და მჩაგვრელი რეჟიმი”, ხოლო “ქართული ოცნების” მმართველობის პერიოდში საქართველოს ეკონომიკა რამდენჯერმე გაიზარდა, შემცირდა უმუშევრობა და სიღარიბე.

ირაკლი კობახიძემ განაცხადა, რომ მთავრობის მუშაობა წარმატებული იყო, ამიტომ ყველა მინისტრს შესთავაზა დარჩენა, რასაც ერთადერთი, თავდაცვის მინისტრი არ დაეთანხმა და განაცხადა, რომ პოლიტიკიდან წასვლა სურს. შესაბამისად, თავდაცვის მინისტრის პოსტზე წარდგენილი იქნება ირაკლი ჩიქოვანის კანდიდატურა.

კობახიძის თქმით, ყველანაირი ხმები თითქოსდა ღარიბაშვილისა და კობახიძის გუნდების არსებობის შესახებ არის მხოლოდ სპეკულაცია: “აქ არსებობს მხოლოდ ერთიანი გუნდი”, – განაცხადა ირაკლი კობახიძემ.

წინა სტატია“ოცნების” ახალი პრემიერი ირაკლი კობახიძე იქნება
შემდეგი სტატიათავდაცვის ახალი მინისტრი ირაკლი ჩიქოვანი იქნება- კობახიძე
ტელეკომპანია ოდიშის საინფორმაციო სამსახური