CNN-თან ინტერვიუში უკრაინის დაზვერვის შეფმა კირილ ბუდანოვმა არც დაადასტურა და არც უარყო გავრცელებული ხმები შეიარაღებული ზალების სარდლის ვალერი ზალუჟნის მისით შესაძლო ჩანაცვლების შესახებ. ზალუჟნის შესაძლო გადაყენებაზე პირდაპირ პასუხს ბუდანოვმა თავი აარიდა:
“მე არავისთან არ მაქვს კონფლიქტი”, – განაცხადა მან შეკითხვაზე, არსებობს თუ არა კონფლიქტი უკრაინის პრეზიდენტსა და ZSU-ს მთავარსარდალს შორის.
ამავე დროს, CNN საკუთარ წყაროებზე დაყრდნობით წერს, რომ კვირის ბოლომდე ვალერი ზალუჟნის გადააყენებენ.
მანამდე გავრცელდა ინფორმაცია, რომ ზალუჟნის უსაფრთხოების საბჭოს თავმჯდომარეობა შესთავაზეს, მაგრამ უარი განაცხადა. პირველი ცნობა ზალუჟნის შესაძლო გადაყენების შესახებ 29 იანვარს გავრცელდა, რასაც მოგვიანებით თავად ვალერი ზალუჟნიმ გენერალური შტაბის უფროსთან გადაღებული ფოტოთი უპასხა, რითაც მიანიშნა, რომ ჯარის სარდალია და მოქმედებებსაც ძველებურად გეგმავს.
შეგახსენებთ, ვალერი ზალუჟნი დიდი ავტორიტეტით სარგებლობს როგორც ჯარში, ასევე უკრაინის საზოგადოების დიდ ნაწილში.