“ქართული ოცნების” მერვე ყრილობა 14:00 საათზე, სასტუმროში “პარაგრაფ თბილისში” ტარდება.
ყრილობაზე, სავარაუდოდ, პარტიაში სტრუქტურულ ცვლილებებს განიხილავენ და დაამტკიცებენ. პარტიის ამჟამინდელი საპატიო თავმჯდომარე, ოლიგარქი ბიძინა ივანიშვილი საქართველოს პრემიერ-მინისტრობის კანდიდატს დაასახელებს.
„ქართული ოცნების“ აღმასრულებელმა მდივანმა მამუკა მდინარაძემ რამდენიმე დღის წინ დაადასტურა, რომ პრემიერ-მინისტრობის კანდიდატად განიხილება პარტიის ამჟამინდელი თავმჯდომარე, ირაკლი კობახიძე, რომელსაც პოლიტსაბჭოს დასამტკიცებლად პარტიის საპატიო თავმჯდომარე წარუდგენს.
თუმცა, “მთავარი არხის” ინფორმაციით, ირაკლი კობახიძის კანდიდატურა ჯერ კიდევ გუშინ, საბოლოოდ არ იყო შეთანხმებული, რადგან ირაკლი ღარიბაშვილის თანამოაზრეები მას ბლოკავდნენ, ასე რომ, არ არის გამორიცხული, ყრილობა სიურპრიზითაც დაგვამახსოვრდეს.
რაც შეეხება “ქართული ოცნების” თავმჯდომარის თანამდებობას, მას შემდეგ რაც ირაკლი ღარიბაშვილმა პრემიერ-მინისტრის პოსტი დატოვა, განაცხადა, რომ პოლიტსაბჭოსგან მიიღო შეთავაზება, “ქართული ოცნების” თავმჯდომარის თანამდებობა დაიკავოს.