პროკრემლისტური, ჰომოფობიური დაჯგუფება “ალტ ინფოს” წარნმომადგენელი ბექა ვარდოსანიძე, რომელიც გუშინ დასაკითხად სუს-ის შენობაში იყო გადაყვანილი, გვიან ღამით გაათავისუფლეს. ის ტერორიზმის სესახებ ცრუ ინფორმაციის გავრცელების საქმეზე გამოკითხეს, თუმცა ადვოკატი აცხადებს, რომ უკვე გარკვეულია დეტალები. მისი თქმით, დადასტურებულია, რომ ცრუ ეტყობინება ბექა ვარდოსანიძეს არ გაუგზავნია.
“არაფერი არ მაქვს დასამალი. ტექნიკა ჩამომართვეს მთლიანად, ახლა უბრალოდ ვერ გავაგრძელებ ჩემს მაუწყებლობას და ინფორმაციის გავრცელებას. ჟურნალისტებმაც კარგად იცით ჩემი დამოკიდებულება იდეოლოგიურად ქვეყანაში მიმდინარე მოვლენებზე და ბევრი ადამიანი შეიძლება იყო, ვინც, პოლიტიკური აქტივობიდან გამომდინარე, რაღაც პრივილეგიები დაკარგა, მხილება და ა.შ. შეიძლება, გამწარებული იყოს.
მე გიჟი უნდა ვიყო, რომ მეილიდან, რომელიც ასოცირებულია ჩემთან, გავაგზავნო ასეთი შეტყობინებები და მთელი ქვეყანა დავაყენო ფეხზე,“ – აცხადებს ”ალტ-ინფოს” წევრი ბექა ვარდოსანიძე.