გამოცემა BLOOMBERG აშშ-ის სამხედრო მაღალჩინოსნებზე დაყრდნობით წერს:
“აშშ-ის პასუხი ირანის გუშინდელი ქმედებების საპასუხოდ უპრეცენდენტო იქნება. ჯო ბაიდენი მისი პრეზიდენტობის განმავლობაში ყველაზე მნიშვნელოვანი გადაწყვეტილების მიღებას აპირებს – შეერთებული შტატები განიხილავს ირანზე სარაკეტო-საჰაერო დარტყმის შესაძლებლობას, მათ შორის ირანელ სამხედრო მაღალჩინოსნებზე თავდასხმას“.
შეგახსენებთ, სირია-იორდანიის საზღვართან მდებარე აშშ-ის სამხედრო ბაზაზე დრონებით თავდასხმის შედეგად სამი ამერიკელი სამხედრო დაიღუპა, 34 კი დაშავდა. შეტევა პროირანულმა დაჯგუფებებმა განახორციელეს, მასზე პასუხისმგებლობა კი ერაყს ისლამის დარაჯთა დაჯგუფებამ აიღო. აშშ მაშინვე დამუქრა საპასუხო ზომებით, რასაც მხარს უჭერენ სამხედრო პირები, თუმცა, პოლიტიკური გადაწყვეტილება ამ დრომდე არ არის მიღებული.
რაც შეეხება ჯო ბაიდენს, მან მაშინვე განაცხადა, რომ დამნაშავეები აუცილებლად დაისჯებიან.