“ლელოს” მზად აქვს გეგმა, როგორ უნდა შესრულდეს EU-ს 9 რეკომენდაცია 1 წელიწადში უნაკლოდ. ამის შესახებ პარტიის წევრი ანა ნაცვლიშვილი საუბრობს.

ოპოზიციის წევრის თქმით, ხელისუფლებამ 18 თვე რეფორმების გატარების ნაცვლად დასავლეთის დისკრედიტაციაში დახარჯა, რომლის მიზანიც სწორედ აღნიშნული რეკომენდაციების ჩაგდება იყო.

“ლელოს” მზად აქვს გეგმა, როგორ შევასრულებთ ცხრავე რეკომენდაციას უნაკლოდ, ხელისუფლებაში მოსვლიდან ერთ წელიწადში! ეს არის 9 ნაბიჯი ევროპისკენ! ამ გეგმას ხვალ 15:00 საათზე პარლამენტში გავასაჯაროებთ.

ჩვენ მოგვეცა ისტორიული შანსი. ამ შანსს უნდა მოვეკიდოთ სრული პასუხისმგებლობით, ახლა არ არის პროცესის შენელების და დამუხრუჭების დრო. საჭიროა სწრაფი წინსვლა ევროკავშირისკენ და არა საქართველოს დაბრუნება რუსულ ორბიტაზე.

ასეთი შანსი საუკუნეში ერთხელ ჩნდება. საქართველოს სჭირდება პარტია, რომელიც რუსულ კანონს კი არ იღებს, რომელიც ანტიევროპულ კამპანიით კი არა, ევროპული რეფორმებით დაკავდება, საქმეს გააკეთებს. ამ რეფორმების გატარება არ არის რთული, როცა გინდა, “ოცნებას” არ უნდა და ამიტომ არ აქვთ რეალური გეგმა და მიზანი მათი განხორციელების, მათი გეგმა რუსეთია. ჩვენი გეგმა საქართველოა.

გელოდებით ხვალ 15:00 საათზე ჩვენი 9 ნაბიჯის პრეზენტაციაზე!, – ამბობს ანა ნაცვლიშვილი.