ირაკლი ღარიბაშვილმა თანამდებობა დატოვა-“დღეს მე ვტოვებ თანამდებობას”ღარიბაშვილი

0
60

ირაკლი ღარიბაშვილმა თანამდებობა დატოვა. ამის შესახებ მან მთავრობის ადმინისტრაციაში მიმდინარე პრესკონფერენციაზე ისაუბრა.

“დღეს მე ვტოვებ პრემიერმინისტრის თანამდებობას… პოლიტსაბჭოსგან მივიღე შეთავაზება, დავიკავო პარტიის თავმჯდომარის თანამდებობა,” – თქვა მან.

ცნობილია, რომ პრემიერის თანამდებობას “ოცნების” ამჟამინდელი თავმჯდომარე, ირაკლი კობახიძე ჩაიბარებს.

“მთავარი არხის” მიერ გავრცელებული ინფორმაცია, რამდენიმე საათში სამთავრობო მედიებმა “ექსკლუზიურად” დაადასტურეს და ინფორმაცია მოსალოდნელ ცვლილებებზე გაავრცელეს.

იქამდე კი “ოცნების” წევრები ტრადიციულად ყველაფერს უარყოფდნენ და “სპეკულაციებსა” და “დეზინფორმაციებს” უწოდებდნენ. მას შემდეგ კი რაც მათივე მედიებმა დაადასტურეს ცვლილებები, პოზიცია შეიცვალეს.

“მთავარის” ინფორმაციით, ღარიბაშვილი გარდა, პოსტის დასატოვებლად ემზადება მისი კაბინეტის კიდევ 5 წვერი. საკადრო ცვლილებები იგეგმება საგარეო საქმეთა, იუსტიციისა და ჯანდაცვის სამინისტროებში.

ჩვენი ინფორმაციით, თანამდებობიდან უშვებენ თავდაცვის მინისტრ ჯუანშერ ბურჭულაძეს, რომელსაც სავარაუდოდ ქართული ოცნების დეპუტატი ირაკლი ჩიქოვანი შეცვლის. პორტფელს ტოვებს თეა წულუკიანიც. შესაძლოა თანამდებობა ვერ შეინარჩუნოს სუს-ის უფროსმა გრიგოლ ლილუაშვილმაც.

წინა სტატიაღარიბაშვილს კობახიძით ანაცვლებენ თანამდებობა შესაძლოა სუს-ის უფროსმა და კიდევ 5-მა მინისტრმა დატოვოს
შემდეგი სტატიაევროკომისიის 9 დათქმა სამოქალაქო საზოგადოების ფართო ჩართულობით უნდა შესრულდეს – არასამთავრობოების განცხადება
ტელეკომპანია ოდიშის საინფორმაციო სამსახური