ყველა დამნაშავე დაისჯება, სასჯელის ფორმას თავად შევარჩევთ – ბაიდენი იორდანიაში თავდასხმაზე

0
72

“იმის მიუხედავად, რომ ამ დრომდე ვაანალიზებთ ინფორმაციას, ჩვენთვის ცხადია, რომ ეს რადიკალურმა ბოევიკებმა ჩაიდინეს, რომელთაც მფარველობს ირანი და რომლებიც სირიასა და ერაყში მოქმედებენ. არავის შეეპაროს ეჭვი, რომ ყველა დამნაშავე აუცილებლად დაისჯება, სასჯელის ფორმას კი თავად შევარჩევთ”, – ასე გამოეხმაურა აშშ-ის პრეზიდენტი ჯო ბაიდენი იორდანიის ჩრდილოეთით მდებარე აშშ-ის სამხედრო ბაზაზე დრონებით თავდასხმას. 

შეგახსენებთ, თავდასხმის შედეგად სამი ამერიკელი სამხედრო დაიღუპა, 34-მა კი სხვადასხვა დაზიანებები მიიღო.

“ამ თავდასხმებზე ერთადერთი პასუხი უნდა იყოს დამანგრეველი სამხედრო შურისძიება ირანის ტერორისტული ძალების წინააღმდეგ, როგორც ირანში, ასევე ახლო აღმოსავლეთში”, – განაცხადა რესპუბლიკელმა სენატორმა, ტომ კოტონიმ.

ნევადის დემოკრატი სენატორის, ჯეკ როზენის თქმით, ირანს ამ ფაქტთან დაკავშირებით პასუხისმგებლობა უნდა მოეთხოვოს. კიდევ ერთმა რესპუბლიკელმა სენატორმა რიკ სკოტიმ კი განაცხადა, რომ “ირანმა უხეშად ეჭვქვეშ დააყენა აშშ-ის სიძლიერე და რომ ეს უნდა დასრულდეს”

“ირანელმა ტერორისტმა მარიონეტებმა გადაკვეთეს წითელი ხაზი აშშ-ის 3 მამაცი სამხედრო მოსამსახურის მკვლელობითა და ათეულების დაჭრით”, – ამბობს რესპუბლიკელი სენატორი, დენ სალივანი.

წინა სტატიაზუგდიდში, განსაკუთრებულ საჭიროებათა მქონე ბავშვების მშობლები დახმარებას ითხოვენ
შემდეგი სტატიაღარიბაშვილს გადააყენებენ, პრემიერი კი კობახიძე გახდება – მედია
ტელეკომპანია ოდიშის საინფორმაციო სამსახური