დუშეთთან ახლოს, მაშველებმა თოვლში ჩარჩენილი 90-მდე ადამიანი სამშვიდობოს გამოიყვანეს

0
74

საგანგებო სიტუაციების მართვის სამსახურის ცნობით,მეხანძრე-მაშველებმა დუშეთის მუნიციპალიტეტის სოფელ როშკასთან, თოვლში ჩარჩენილი 90-მდე მოქალაქე გამოიყვანეს.

როგორც საგანგებო სიტუაციების სამსახური აცხადებს, მოსული უხვი ნალექის შედეგად, გზის გაგრძელებას ვერ ახერხებდა 30-მდე ავტოსატრანსპორტო საშუალება, სადაც იმყოფებოდა 90-მდე ადამიანი.

„ადგილზე უმოკლეს დროში გამოცხადდნენ საგანგებო სიტუაციების მართვის სამსახურის თანამშრომლები და დაიწყეს სამაშველო ოპერაცია. მეხანძრე-მაშველების მიერ, ყველა შესაბამისი სპეც-ტექნიკის მობილიზების შედეგად, თოვლში ჩარჩენილი ყველა მოქალაქის უვნებლად, უსაფრთხო ადგილზე გადაყვანა მოხერხდა. მოქალაქეთა სიცოცხლეს და ჯანმრთელობას საფრთხე აღარ ემუქრება“, — ნათქვამია ოფიციალურ ცნობაში.

წინა სტატია100 მძევლის გათავისუფლების შემთხვევაში, ისრაელი ომს ორი თვით შეაჩერებს
შემდეგი სტატიაოკუპანტებმა კრემენჩუგი დაბომბეს – სად რა ხდება უკრაინაში
ტელეკომპანია ოდიშის საინფორმაციო სამსახური