მთავარისიახლეები"მგონია, რომ ივანიშვილმა პოლიტიკაში დაბრუნება ფორმალური ძალაუფლების დაბრუნების მიზნით გადაწყვიტა"

“მგონია, რომ ივანიშვილმა პოლიტიკაში დაბრუნება ფორმალური ძალაუფლების დაბრუნების მიზნით გადაწყვიტა”

Published on

“მე არ ვიცი, რა სახის გადაწყვეტილება მიიღო ბიძინა ივანიშვილმა, თუმცა მგონია, რომ პოლიტიკაში დაბრუნება ფორმალური ძალაუფლების დაბრუნების მიზნით გადაწყვიტა”, – ამის შესახებ ევროპარლამენტარმა ანნა ფოტიგამ “მთავარ არხთან” განაცხადა. მან აღნიშნა, რომ დასავლეთის ქვეყნებში არ შეიძლება, მაღალი თანამდებობის პირი აქტიურ ბიზნეს საქმიანობაში იყოს ჩართული.

ფოტიგა ასევე ამბობს, რომ ივანიშვილს დიდი ძალაუფლება აქვს, როგორც პოლიტიკური, ასევე ეკონომიკური თვალსაზრისით. ევროპარლამენტარის თქმით, ეს იმას ნიშნავს, რომ დეოლიგარქიზაცია ჯერ არ მომხდარა.

“მინდა კიდევ ერთხელ გავიმეორო, რომ საქართველოს მთავრობამ ევროკავშირში გაწევრიანებაზე განაცხადი ქართველი ხალხის ნების შესაბამისად გააკეთა. ასევე, იყო კონკრეტული გეგმა შეთანხმებული, ერთის მხრივ, ევროკავშირის, მისი წევრი სახელმწიფოებისა და, მეორეს მხრივ, საქართველოს შორის, თუ როგორ უნდა მივიდეს ქვეყანა წევრობამდე. ამასთან, რადგან იყო შეშფოთება გარკვეული მიმართულებებით, მოხდა შეთანხმება ორმხრივად, რომ საქართველო რეკომენდაციებს შეასრულებდა. დარწმუნებული ვარ, ქართველი ხალხის ნება ევროკავშირში გაწევრიანებისა არ შეცვლილა და ხელისუფლება სწორედ ხალხის ნებას უნდა დაემორჩილოს. ევროკავშირის მოლოდინები აქ მეორეხარისხოვანია…

ჩვეულებრივ, დასავლეთის ქვეყნებში არ შეიძლება მთავრობის მაღალი თანამდებობის პირი აქტიურ ბიზნეს საქმიანობაში იყოს ჩართული. მე არ ვიცი, რა სახის გადაწყვეტილება მიიღო ბიძინა ივანიშვილმა. თუმცა, მგონია, რომ პოლიტიკაში დაბრუნება ფორმალური ძალაუფლების დაბრუნების მიზნით გადაწყვიტა. ერთის მხრივ, ეს დადებითი გადაწყვეტილებაა, იმიტომ, რომ პოლიტიკაში ღიად ჩართული ადამიანი ანგარიშვალდებულია და უკეთესია, ვისაც ძალაუფლება აქვს ოფიციალური თანამდებობა ეკავოს, ვიდრე ჩრდილიდან მართავდეს ქვეყანას. თუმცა, მისი მიზნები შეიძლება განსხვავებულიც იყოს. ამიტომ, ჩვენ ყურადღებით ვაკვირდებით სიტუაციას. ასეა თუ ისე, ბიძინა ივანიშვილს დიდი ძალაუფლება აქვს, როგორც პოლიტიკური, ასევე ეკონომიკური თვალსაზრისით და ეს ნიშნავს, რომ დეოლიგარქიზაცია ჯერ არ მომხდარა,” – განაცხადა ფოტიგამ.

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...