მომდევნო რამდენიმე თვე უკრაინისთვის კრიტიკული იქნება – ამის შესახებ თეთრი სახლის ეროვნული უშიშროების საბჭოს კოორდინატორმა განაცხადა.
ჯონ კირბის განცხადებით, რუსეთის ფედერაცია კვლავ იღებს დახმარებას ირანიდან და ჩრდილოეთ კორეიდან.
მისი თქმით, შეერთებული შტატები გააგრძელებს უკრაინისთვის საჭირო მხარდაჭერას გაწევას, რათა გამარჯვება შეძლოს.
მომდევნო რამდენიმე თვე უკრაინისთვის კრიტიკული იქნება. რუსები აგრძელებენ უკრაინაზე თავდასხმას დრონებითა და რაკეტებით. შესაბამისად, უკრაინის სარდლობას უკვე რთული გადაწყვეტილებების მიღება უწევს იმის შესახებ, თუ რომელი იარაღი და საბრძოლო მასალა გამოიყენონ იმ პირობებში, როდესაც მათი რეზერვები მცირდება.
ამავდროულად, რუსეთის ფედერაცია კვლავ იღებს დახმარებას ირანიდან და ჩრდილოეთ კორეიდან. ისინი ბალისტიკურ რაკეტებს უგზავნიან. გარდა ამისა, რუსებმა საკუთარი თვითმფრინავებისა და იარაღის წარმოება დაიწყეს”, – აღნიშნა მაღალჩინოსანმა.